I SAME BÅT MED FYLKESMUSIKARANE
På gyngande grunn (Sigmund Eikås, Einar Mjølsnes, Laila Kolve og Frank Rolland)
31. mars kl 1930 Mosterhamn (Moster Amfi)
1. april kl 1930 Espevær (Espevær kai)
2. april kl 1930 Langevåg (Langevåg kai)
3. apri kl 1930 Huglo (Nord-Huglo eller Sør-Huglo kai)
4. april kl 1930 Austevoll, Bekkjarvik (Bekkjarvik kai)
På friarferd til fjorden (Reidun Horvei, Vidar Underseth, Oddbjørn Ramstad og Øyvind Lyslo)
7. april kl 1800 Stord Folkemuseum (Leirvik kai)
7. april kl 2000 Stord ungdomslag (Leirvik kai)
8. april kl 1200 Høgskulen på Stord (Leirvik kai)
8. april kl 2000 Stordkoret (Leirvik kai)
9. april kl 1800 Bjoa Bygdeutviklingslag (Innbjoa kai)
9. april kl 2000 Kystlaget (Innbjoa kai)
10. april kl 1800 Skånevik Fjordhotell (Skånevik kai)
11. april kl 2000 Sagvåg (Sagvåg kai)
Med havdur i øyre (Elin Grytting, Einar Mjølsnes og Sigbjørn Apeland)
14. april kl 1930 Sæbøvik, Halsnøy
15. april kl 1200 Valen (skuleframsyning)
15. april kl 2000 Valen (kveldskonsert)
16. april kl 1200 Sunde (skuleframsyning)
16. april kl 2000 Sunde (kveldskonsert)
17. april kl 1200 Uskedalen (skulekonsert)
17. april kl 2000 Uskedalen (kveldskonsert)
18. april kl. 1200 Rosendal (skulekonsert)
18. april kl. 2000 Rosendal (kveldskonsert)
18. april kl 1800 Sandane
Prosjektet er eit samarbeid mellom Hordaland og Sogn og Fjordane fylkeskommune, Hardanger Fartøyvernsenter og Hardanger Folkemuseum.
For spørsmål ta kontakt med fylkesmusikar Reidun Horvei, mob. 90 54 95 31 eller fylkesmusikkleiar Øyvind Lyslo, mob. 90 11 34 33.
Pressemeldingar
I same båt med fylkesmusikarane
11 av dei fremste folkemusikarane på Vestlandet legg i vår for siste gong ut på si musikalske reise over fylkesgrensene.
For vestlendingen var sjøvegen den vanlegaste måten å ta seg fram på, og denne fyrste riksvegen var sjølve livsnerva i kystsamfunnet vårt opp gjennom hundreåra. Fjordlandskapet var ein viktig arena for både vikingskip i vesterveg, galeasar, jekter og færingar, frakteskip og fiskebåtar, og her vart både varer, tenester og kulturverdiar utveksla. Folkemusikken i dette området har mange fellestrekk som soleis utgjer ein sams kulturell identitet. I prosjektet ”I same båt” har fylkesmusikarane i Hordaland og Sogn og Fjordane gått saman om å lage ein rik og variert musikalsk meny med utgangspunkt i den tida då seglskutene var eit vanleg syn på fjordane våre, basert på folkemusikk frå Vestlandet på sitt aller beste!
Konsertane går føre seg ombord på ei av desse gamle seglskutene, 124 år gamle S/J Mathilde frå 1884. I mars skal denne godt restaurerte hardangerjakta legge til kai i store delar av Sunnhordland, og under dekk vert det presentert tre ulike folkemusikkprogram. Programma ”Med havdur i øyre”, ”På gyngande grunn” og ”På friarferd til fjorden” fekk svært god respons på Førde Internasjonale Folkemusikkfestival sommaren 2006 og på konsertane i Nordfjord og Sunnfjord i 2007.
Fylkesmusikarordningane i Sogn og Fjordane og Hordaland vart oppretta i høvesvis 1989 og 1991, og omfattar profesjonelle utøvarar innan folkemusikk frå Vestlandet. Prosjektet ”I same båt” vart fyrste gong gjennomført i Hardanger og Sogn i fjor vår. Ansvarleg for prosjektet er Sogn og Fjordane og Hordaland fylkeskommune, og det vert gjennomført i samarbeid med Hardanger Fartøyvernsenter, Hardanger Folkemuseum med stønad frå Sparebanken Vest.
Med havdur i øyre til Nordfjord
Hardangerjakta S/J Mathilde frå 1884 til Måløy, Nordfjordeid, Davik, Hyen og Sandane med programmet ”Med havdur i øyre”.
I veka 5-9 mars vil publikum i dette programmet få møte dei mange ulike musikalske uttrykka som kjenneteiknar kystkulturen, både fiskarviser og andre folketonar. Saman med fylkesmusikarane Elin Grytting, song, Einar Mjølsnes, hardingfele og Sigbjørn Apeland, harmonium (trøorgel) vert denne kulturskatten kledd inn i vare og vakre arrangement med smak av salt sjø! På konserten i Davik vil gitaristen Øyvind Lyslo vere vikar for Sigbjørn Apeland. Ansvarleg for prosjektet er Sogn og Fjordane og Hordaland fylkeskommune, i samarbeid med Hardanger Fartøyvernsenter, Hardanger Folkemuseum og Sparebanken Vest.
På gyngande grunn langs fjorden
Den historiske hardangerjakta S/J Mathilde frå 1884 på nært hald i ytre Nordfjord og Sunnfjord med programmet "På gyngande grunn".
Når seglskuta i veka 12-16 mars legg turen til Svelgen, Kalvåg, Florø, Svanøy og Vevring vil publikum få oppleve frisk og fengande dansemusikk i programmet ”På gyngande grunn”. Dette publikumsvenlege programmet er ein del av prosjektet ”I same båt”, og her presenterer Laila Kolve, fløyter, Frank Rolland og Sigmund Eikås, hardingfeler og Harald Hesjevoll, trekkspel, musikk med røter heilt tilbake til mellomalderen. Musikarane byr på eit variert repertoar frå Noreg og Europa i solo- og samspel, under dekk på S/J Mathilde! Ansvarleg for prosjektet er Sogn og Fjordane og Hordaland fylkeskommune, i samarbeid med Hardanger Fartøyvernsenter, Hardanger Folkemuseum og Sparebanken Vest.
Musikalsk friarferd på seglskute frå 1884
Fylkesmusikarane i Hordaland og Sogn og Fjordane med folkemusikkabareten "På friarferd til fjorden" ombord på S/J Mathilde.
Dette siste programmet i prosjektet "I same båt" kan opplevast ombord på seglskuta S/J Mathilde i Bygstad, Flekke (UWC), Askvoll, Korssund og Bulandet i veka 19-23 mars. I handlinga kjem tre staute karar frå Nordfjord, indre og ytre Sogn, ombord for å fri. Det syner seg at dei har kome i kontakt med spanande kvinnelege kandidatar gjennom intens chatting på internett. Men ingen av dei er klar over at dei faktisk er på veg for å fri til den same dama! Programmet har tidlegare fått svært god respons på turné i Hardanger, Voss og på Førde Internasjonale Folkemusikkfestival 2006. I rollene møter vi Reidun Horvei, song, Vidar Underseth, hardingfele, Oddbjørn Ramstad, trekkspel og Øyvind Lyslo, gitar. Ansvarleg for prosjektet er Sogn og Fjordane og Hordaland fylkeskommune, i samarbeid med Hardanger Fartøyvernsenter, Hardanger Folkemuseum og Sparebanken Vest.
